मुखबन्धः
अथ स्वगुण निर्देशरूपा पञ्चमावल्ली
त्रेतायुगे दाशरथिः श्रीरामो भगवान्
स्वयम् ।
वैकुण्ठं सम्परित्यज्ययोध्यायां मुक्तिधामनि ॥५.१॥
आविरासीद्वधायैव राक्षसानां दुरात्मनाम् ।
सद्धर्मसंरक्षणाय प्रजानां रञ्जनाय च ॥५.२॥
आविरासीत् कलौ तद्वत् कामार्पुकुरे प्रभुः
।
गदाधर इति स्यातो लीलार्थं रघुनन्दनः ॥५.३॥
अतीत द्वापरयुगे यथा श्रीभगवान् स्वयं ।
गोलोकादाव्रजत् कृष्णः स्वधाम् व्रजमण्डलम् ॥५.४॥
पित्रादिस्वगुणैर्युक्तः सच्चिदानन्द
विग्रहः ।
या या लीलाश्चकारासौ व्रजे मधुपुरे तथा ॥५.५॥
द्वारकायां विशेषेण महिषीवृन्द संवृतः ।
वङ्गदेशान्तरेचात्र कामारपुकुरे प्रभुः ॥५.६॥
कलिकाता नगर्याश्च तथा श्रीदक्षिणेश्वरे ।
आदि मध्यान्तर लीलायत्तद्रूपा कृतवान् स्वयम् ॥५.७॥
भगवान् रामकृष्णस्तु पूर्वैः परिकरैः सह ।
क्षुदिरामः पिताचास्य वसुदेवोऽस्य देवकी ॥५.८॥
चन्द्रादेव्यस्य जननी ज्येष्ठ भ्राता
महाबलः ।
श्रीरामकुमारश्चात्र बलभद्रो न संशयः ॥५.९॥
रामेश्वरो महादेवः श्रीगोपेश्वर संज्ञकः ।
व्रजे नित्या स्थितिर्यस्य कृष्णलीलेक्षणाय च ॥५.१०॥
कात्यायनी महामाया श्रीकृष्ण भगिनी च या ।
श्रीमती जानकी देवी श्रीमती या च राधिका ॥५.११॥
सा एव सारदादेवी लीलासम्पूर्त्तिकारिणी ।
यशोदा भैरवीदेवी वात्सल्याधाररूपिणी ॥५.१२॥
भगिनी रामकृष्णस्य साक्षात् श्रीः
सर्वमङ्गला ।
जटाधारो रामलालाविग्रहस्य सुसिद्धिदः ॥५.१३॥
श्रीरामचन्द्रमन्त्रन्तुयस्माज्जग्राह मे
प्रभुः ।
ब्रह्मर्षिः श्रीवशिष्ठस्तु तोतापुरीति नामकः ॥५.१४॥
श्रीरामकृष्णदेवस्य गुरुर्योद्वैत साधकः ।
हृदयो हलधारी च मुख्यभावेन सङ्गती ॥५.१५॥
श्रीदामः श्रीलक्ष्मणश्च मिलितौ तत्सहायकौ
।
यथा श्रीरामलीलायां सागरं शत योजनम् ॥५.१६॥
लङ्घयित्वा राम कार्यमकरोत् स महाकपिः ।
महावीरो रामदासः श्रीरामादपि शक्तिधृक् ॥५.१७॥
तथात्र श्रीनरेन्द्रस्तु
श्रीरामकृष्णसेवकः ।
श्रीरामकृष्णदेवस्य कृपया करुणा निधिः ॥५.१८॥
गत्वा सिन्धोः पारमपि रामकृष्णकथामृतं ।
ददौ तज्जडवादिभ्यो येन ते नरतां गताः ॥५.१९॥
स्वयं रूपेणावतीर्ण श्रीरामकृष्ण नामधृक् ।
अभवद्धर्मरक्षार्थं जीवानां मुक्ति हेतवे ॥५.२०॥
कलौ पीतावतारोऽयं ऋषिवाक्यानुसारतः ।
यन्नामतो ध्रुवामुक्तिर्भविष्यति न संशयः ॥५.२१॥
इति श्रीभगवतः श्रीरामकृष्णदेवस्य स्वगण निर्देशरूपा पञ्चमावल्ली ॥५॥