তৃতীয় খণ্ড
প্রচার, প্রকাশ ও ভক্ত-সংযোটন-লীলা
অথ শ্রীমদ্রামকৃষ্ণাবতারস্তোত্রং প্রারভ্যতে
হৃদয়কমলমধ্যে রাজিতৎ নির্বিকল্পং
সদসদখিলভেদাতীতমেকস্বরূপম্ ।
প্রকৃতিবিকৃতিশূন্যং নিত্যমানন্দমূর্তিং
বিমলপরমহংসং রামকৃষ্ণং ভজামঃ ॥ ১ ॥
নিরুপমমতিসূক্ষ্মং নিষ্প্রপঞ্চং
নিরীহং
গগনসদৃশমীশং সর্বভূতাধিবাসম্ ।
ত্রিগুণরহিতসচ্চিদ্ব্রহ্মরূপং বরেণ্যং
বিমলপরমহংসং রামকৃষ্ণং ভজামঃ ॥ ২ ॥
প্রলয়জলধিমগ্নং বেদরাশিং
দ্বিধীর্ষুঃ
দনুজমতিবিশালং হংসি শঙ্খং বিচিত্রম্ ।
তমপরিমিতবীর্যং মনরূপং দধানং
বিমলপরমহংসং রামকৃষ্ণং ভজামঃ ॥ ৩ ॥
অতুলবিপুলদেহে চিন্ময়ে কুর্মরূপে
বহসি সকলমেতদবিশ্বমাধারশক্ত্যা ।
তব খলু মহিমানং কোঽল্পধীর্বর্ণয়েত্ত্বাং
বিমলপরমহংসং রামকৃষ্ণৎ ভজামঃ ॥ ৪ ॥
দশনবিধৃতপৃথ্বীং শুকরং শ্বেতকায়ং
দলিতদিতিজরাজং দংষ্ট্রিণং চক্রপাণিম্ ।
অমিতবিভবশক্তিং পালকং দেবতানাং
বিমলপরমহংসং রামকৃষ্ণং ভজামঃ ॥ ৫ ॥
বিকটদশনবক্ত্রং লোলজিহ্বং
প্রচণ্ডং
গিরিবরসমকায়ং রক্তহস্তং নৃসিংহম্ ।
প্রশমিতসুরখেদং কোটিসূর্যপ্রকাশং
বিমলপরবহংসং রামকৃষ্ণং ভজামঃ ॥ ৬ ॥
ছলয়িতুমব্তীর্ণো বামনস্ত্বং বলিং
বৈ
ত্রিচরণকমলেন ক্রামসি স্বভুর্বো ভূঃ ।
পরমপুরুষমাদিং কাশ্যপং বিশ্বরূপং
বিমলপরমহংসং রামকৃষ্ণং ভজামঃ ॥ ৭ ॥
নিশিতপরশুধারং ক্ষত্রসন্তানকেতুং
নবজলধরবর্ণং ভার্গবং ভীমবীর্যম্ ।
শমনসদৃশঘোরং জামদগ্ন্যং বিশালং
বিমলপরমহংসং রামকৃষ্ণং ভজামঃ ॥ ৮ ॥
রঘুকুলবরমীশং জানকীপ্রাণনাথং
সমরকুশলবীরং রাঘবং রাবণারিম্ ।
হনুমানুজসেব্যং ধার্মিকং সত্যপালং
বিমলপরমহংসং রামকৃষ্ণং ভজামঃ ॥ ৯ ॥
হলধরমতিশুভ্রং নীলবস্ত্রং
সুরেন্দ্রং
দনুজদলনকার্যে পারগং মত্তসিংহম্ ।
যমমিব যমুনায়া ভীতিদং রৌহিণেয়ং
বিমলপরমহংলং রামকৃষ্ণং ভজামঃ ॥ ১০ ॥
ব্রজবিপিনবিহারে শ্যামলং বাসুদেবং
সুমধুররসকেলিং গোপিকাপ্রাণনাথম্ ।
মদনরমণবেশং কংসকালং কবীলং
বিমলপরমহংসং রামকৃষ্ণং ভজামঃ ॥ ১১ ॥
পশুবধমতিঘোরং চোদিতং বেদশাস্ত্রৈঃ
শময়িতুমবতীর্ণং জ্ঞানদং শাক্যসিংহম্ ।
প্রকটিতনবমার্গাদ্বৈতনির্বানকল্পং
বিমলপরমহংলং রামকৃষ্ণং ভজামঃ ॥ ১২ ॥
শ্রুতিনিগদিতমার্গস্থাপনায়াবতারং
জিননয়বহুবাদভ্রান্তিমুন্মূলয়ন্তম্ ।
ভুবনবিজয়খ্যাতিং শঙ্করং ভাষ্যকারং
বিমলপরমহংসং রামকৃষ্ণং ভজামঃ ॥ ১৩ ॥
মধুরসরলবাক্যৈরীশতত্ত্বং প্রকাশ্য
ক্রুশগতপরিশেষোঽপীশপুত্রোঽমৃতো যঃ ।
তমতিশয়পবিত্রং মেরিজং লোকবন্ধুং
বিমলপরমহংসং রামকৃষ্ণং ভজামঃ ॥ ১৪ ॥
কলিমলহরনাম্ন কীর্তনং ঘোষয়ন্তং
করধূতজলপাত্রং দণ্ডিনং হেমবর্ণম্ ।
ভবজলনিধিপোতং কৃষ্ণচৈতন্যরূপং
বিমল পরমহংসং রামকৃষ্ণং ভজামঃ ॥ ১৫ ॥
বিতরিতুমবতীর্ণং
জ্ঞানভক্তিপ্রশান্তীঃ
প্রণয়গলিতচিত্তং জীবদুঃখাসহিষ্ণুম্ ।
ধৃতসহজসমাধিং চিন্ময়ং কোমলাঙ্গং
বিমলপরমহংসং রামকৃষ্ণং ভজামঃ ॥ ১৬ ॥
হরিহরবিধিদেবা মূর্তিভেদাস্তাবৈতে
নিরুপমবহুমূতির্মায়য়া কল্পয়ন্তম্ ।
অমিতগুণচরিত্রং দীনবন্ধুং দয়ালং
বিমলপরমহংসং রামকৃষ্ণং ভজামঃ ॥ ১৭ ॥
জয় জয় করুণাব্ধে মোক্ষসেতো
স্মরারে
জয় জয় জগদীশ জ্ঞানসিন্ধো স্বয়ম্ভো ।
জয় জয় পরমাত্মংস্ত্রাহি মাং ভক্তিহীনং
জয় জয় ভবহারিন রামকৃষ্ণ দ্বিবাহো ॥ ১৮ ॥
মূকোঽহং নাভিজানামি তব স্তুতিং জগদ্গুরো ।
তথাপি ত্বৎকৃপালেশাদ্ বাচালোহস্মি পুনঃপুনঃ ॥
ইত্যভেদানন্দ স্বামি-বিরচিতং
শ্রীমদ্রামকৃষ্ণাবতারস্তোত্রং সম্পূর্ণম্ ।