চতুর্থ খণ্ড
দেব্যাঃ স্তোত্রম্
প্রকৃতিং পরমামভয়াং
বরদাং
নররূপধরাং জনতাপহরাম্ ।
শরণাগতসেবকতোষকরীং
প্রণমামি পরাং জননীং জগতাম্ ॥ ১ ॥
গুণহীনসুতানপরাধযুতান্
কৃপয়াদ্য সমুদ্ধর মোহগতান্ ।
তরণীং ভবসাগরপারকরীং
প্রণমামি পরাং জননীং জগতাম্ ॥ ২ ॥
বিষয়ং কুসুমং
পরিহৃত্য সদা
চরণাম্বুরুহামৃতশাস্তিসুধাম্ ।
পিব ভৃঙ্গমনো ভবরোগহরাং
প্রণমামি পরাং জননীং জগতাম্ ॥ ৩ ॥
কৃপাং কুরু মহাদেবি
সুতেষু প্রণতেষু চ ।
চরণাশ্রয়দানেন কৃপাময়ী নমোঽস্তু তে ॥ ৪ ॥
লজ্জাপটাবৃতে নিত্যং
সারদে জ্ঞানদায়িকে ।
পাপেভ্যো নঃ সদা রক্ষ কৃপাময়ি নমোঽস্তু তে ॥ ৫ ॥
রামকৃষ্ণগতপ্রাণাং
তন্নামপ্রবণপ্রিয়াম্ ।
তদ্ভাবরঞ্জিতাকারাং প্রণমামি মুহুর্মুহুঃ ॥ ৬ ॥
পবিত্রং চরিতং
যস্যাঃ পবিত্রং জীবনং তথা ।
পবিত্রতাস্বরূপিণ্যে তসৈ দেব্যৈ নমো নমঃ ॥ ৭ ॥
দেবীং প্রসন্নাং
প্রণতার্তিহন্ত্রীং
যোগীন্দ্রপূজ্যাং যুগধর্মপাত্রীম্ ।
তাং সারদাং ভক্তিবিজ্ঞানদাত্রীং
দয়াস্বরূপাং প্রণমামি নিত্যম্ ॥ ৮ ॥
স্নেহেন বধ্নাসি
মনোঽস্মদীয়ং
দোষানশেষান্ সগুণীকরোষি ।
অহেতুনা নো দয়সে সদোষান্
স্বাঙ্কে গৃহীত্বা যদিদং বিচিত্রম্ ॥ ৯ ॥
প্রসীদ মাতর্বিনয়েন
যাচে
নিত্যং ভব স্নেহবতী সুতেষু ।
প্রেমৈকবিন্দুং চিরদগ্ধচিত্তে
প্রদায় চিত্তং কুরু নঃ সুশাস্তম্ ॥ ১০ ॥
জননীং সারদাং দেবীং
রামকৃষ্ণং জগদ্গুরুম্ ।
পাদপদ্মে তয়োঃ শ্রিত্বা প্রণমামি মুহুর্মুহুঃ ॥ ১১ ॥